Towel Day

Da Towel Day (engl. fia: Handduach-Dòòg) is a Gedenkdòg fia den Schriftstella Douglas Adams, wo am 11. Mai 2001 gstormm is. Ab dò is wejdweid jeds Joar am 25. Mai da Towel Day begonga worn.

Handduach–Fahna in Innschprugg am Towel Day 2005

An dem Dòòg schleppan a Haffa vo seine Fans a Handdiache umanand. De Gestn hòd eanan Ursprung in dem Buach Per Anhalter durch die Galaxis, wo da unglaublich grouße praktische Nutzn vo am Handdiache auf Reisn im Universum foingdamassn bschriemm werd:

Vorlog:Zitat

Warum da 25. Mai?

Beim Festleng vo dem Termin hòd koa bsundas historischs Datum a Rojn gspuit. Eha waars a Kompromiss, wei ma oanaseits den Gedenkdòg so bòid wia mäglich nòch seim Dood abhòitn woitt, andraseits òba a gwisse Vorlaufszeid notwendig war, dass ma des wejdweid bekanntmacha hod kenna. Da 25. Mai hòd se seitdem òis Gedenkdòg etabliert. Andane Termine, de im Hiblick auf Douglas Adams a Bedeitung ham, waarn da 11. Feba (wo da 42. Dòòg vom Joar is), sei Gburtstdòg (11. März) und sei Sterbedòòg (11. Mai). Es is driaba dischkriert worn, dass ma oan vo dene fia 2002 òis neichn Termin festlegt, da 25. Mai hòd se oba schliassle durchgsetzt.

Wòs ma mid dem Datum òiss ausrechna ko

Es is da letzde Dòòg im Joar, bei dem da Dòòg genau as Quadrat vom Monat is (25.5.: $5^2=25$).
Aussadem is de Summ vo de Hexadezimalzòin $25$ und $5$, òiso $0x25=25_{16}=37_{10}$ und $0x5=5_{16}=5_{10}$ aggradd $0x25+0x5=0x2A$, wòs umgrechnt ins Dezimalsystem $0x2A=2A_{16}=42_{10}$ gäbt, òiso de weithi bekannte Antwort 42, um de si a eingne, äha scherzhaft betriemmne, Disziplin vo da Zahlenmystik draaht.

Im Netz

• Towel Day Homepage (englisch)