Knupf (Oaheid)
Vorlog:Infobox Physikalische Einheit
Da Knupf (kn, dt. Knoten, engl. knot) is a Gschwindigkeidsoaheid in da See- und Luftfoart (und aa Meterologie).
- 1 Knupf = 1 Seemein pro Stund = 1,852 km/h ≈ 0,514444 m/s
As ISO-Standard Oaheidssymboi fian Knotn is kn.[1]
Da Nama is vo de Knupf obgloadt, de wo in de Schnua vom Logscheidl gmochd (knipfd) worn san, damid ma Obständ af See messn hod kina. De Ozoi vo de Knupf, de wo in ana bstimmtn Zeid (gmessn duachs Loggglasl, a Sanduhr) zruckglegd worn san, worn nacha as Gschwindigkeidsmaas fia d Foart duachs Wossa (FdW). Fia d Navigation wichtiga is natiale de Gschwindigkeid iwan Grund, dazua muass ma owa de Mearesstremung kena. Heit wead vua oim iwa GPS bzw. hydrodynamische und elektrische Logs navigiad.